Պաշտպանութեան նախարար Սուրէն Պապիկեան ընդունած է պաշտօնական այցով Հայաստան ժամանած ԱՄՆ Գոնկրէսի Ներկայացուցիչներու պալատի խօսնակ Նենսի Փելոսիի գլխաւորած պատուիրակութիւնը:
Պաշտպանութեան Նախարարութեան հաղորդագրութեան համաձայն` Պապիկեանը շնորհակալութիւն յայտնած է Փելոսիին իրավիճակին արագ արձագանգելու, Հայաստան այցելելու, Սեպտեմբեր 13-ին ՀՀ ինքնիշխան տարածքին նկատմամբ ատրպէյճանական լայնածաւալ ռազմական յարձակման վերաբերեալ հասցէական գնահատականներ հնչեցնելու համար:
Նախարարը Ներկայացուցիչներու պալատի խօսնակին ներկայացուցած է ատրպէյճանական լայնածաւալ ռազմական յարձակման հետեւանքով ստեղծուած իրադրութիւնը:
Նենսի Փելոսին իր խօսքին մէջ ներկայացուցած է իրավիճակին վերաբերեալ ԱՄՆ-ի դիրքորոշումը:
Քննարկուած են նաեւ պաշտպանական ոլորտին մէջ երկու երկիրներու համագործակցութեան առնչուող շարք մը հարցեր:
ԱՄՆ Ներկայացուցիչներու տան խօսնակին գլխաւորած պատուիրակութիւնը Երեւան ժամանած է շաբաթ երեկոյեան, այցը աւարտած է Երկուշաբթի: Կայացած են հանդիպումներ վարչապետ Նիկոլ Փաշինեանի, Ազգային Ժողովի նախագահ Ալէն Սիմոնեանի հետ:
Նենսի Փելոսին մինչ օրս Հայաստան այցելած ԱՄՆ ամենաբարձրաստիճան պաշտօնեան է:
