Հայաստանի վարչապետ Նիկոլ Փաշինեան հեռախօսազրոյց ունեցած է Ռուսիոյ նախագահ Վլատիմիր Փութինի հետ:
Հեռախօսազրոյցը տեղի ունեցած է հայկական կողմին նախաձեռնութեամբ:
Հեռախօսազրոյցի ընթացքին շարունակուած են քննարկումները Լեռնային Ղարաբաղի մէջ տիրող իրավիճակին շուրջ: Հաստատուած է Հայաստանի, Ռուսիոյ եւ Ատրպէյճանի ղեկավարնդրուն` 2020 թուականի Նոյեմբեր 9-ի, 2021 թուականի Յունուար 11-ի եւ Նոյեմբեր 26-ի եռակողմ պայմանաւորուածութիւններու հետեւողական իրականացման կարեւորութիւնը: Տարածաշրջանին մէջ կայունութեան ապահովման գործին մէջ ընդգծուած է ռուսական խաղաղապահներուն դերը:
Անդրադարձ եղած է Հայաստանի եւ Ռուսիոյ ռազմավարական գործընկերութեան եւ դաշնակցային յարաբերութիւններու հետագայ զարգացման որոշ արդիական թեմաներու: