Ազգային ժողովի «Լուսաւոր Հայաստան» խմբակցութեան ղեկավար՝ Էտմոն Մարուքեան վստահ է, որ արտահերթ խորհրդարանական ընտրութիւններ տեղի կ’ունենան: Այս մասին Մարուքեան ըսած է Փետրուար 8-ին, խորհրդարանէն ներս լրագրողներու հետ զրոյցի ընթացքին:
«Արտահերթ ընտրութիւնները կը լինեն, ե՞րբ, ո՞նց…»,- ըսած է Մարուքեան, նշելով, որ իրենք պիտի մասնակցին այդ ընտրութիւններուն:
Անդրադառնալով Փաշինեանի առաջարկած յուշագիրին, Էտմոն Մարուքեան նշած է, որ իր դիրքորոշումը այդ հարցի շուրջ չէ փոխուած:
«Ես չեմ ստորագրելու ոչ մի յուշագիր, թող հրաժարական տայ»,- նշած է ԼՀԿ-ի ղեկավարը: