Բռնցքամարտի 2018թ. Եւրոպայի ախոյեան, Մինսկ-2019 Եւրոպական խաղերու յաղթող, աշխարհի առաջնութեան կրկնակի պրոնզէ մետալակիր Յովհաննէս Բաչկովը (64 կգ) նորամուտը յաղթանակով նշած է արհեստավարժ ռինկի խաղի ընթացքին:
Տուպայի մէջ տեղի ունեցած արհեստավարժ բռնցքամարտի Rotunda Rumble IV երեկոյի ընթացքին Բաչկովը մրցավարներու միաձայն որոշումով յաղթած է 32-ամեայ վենեզուելացի Սամուէլ Գոնսալեսին:
Հայ բռնցքամարտիկը ռինկ դուրս եկած է Արցախին նուիրուած երգի ներքոյ: Մենամարտի վերջաւորութեան ան ռինկ վերադարձած է հայ զինուորին նուիրուած շապիկով, որուն վրայ պատկերուած են Հայաստանը ու Արցախը: «Հայաստանի պաշտպաններ, մեր անպարտելի զինուորներ, մենք կանգնած ենք կողքին»,- շապիկի վրայ հետեւեալ գրառումն էր:
Սամուէլ Կոնսալեսը փրոֆեսիոնալ ռինկի վրայ հանդէս կու գայ 2013 թուականէն, ունեցած է 29 մենամարտ, տարած է 22 յաղթանակ (13-ը նոկաուտով) եւ կրած է 7 պարտութիւն:
Յիշեցնենք, որ Յուլիսին Յովհաննէս Բաչկովը 3 տարուայ պայմանագիր կնքած է MTK Global ընկերութեան հետ:
Աւելի վաղ ան NEWS.am Sport-ի թղթակցի հետ զրոյցի ընթացքին նշած էր, որ վաղուց ցանկացած է տեղափոխուիլ արհեստավարժ ռինկ: Ըստ պայմանագրի՝ արհեստավարժ ռինկի վրայ հանդէս գալուն զուգահեռ, հայ բռնցքամարտիկը կը նախապատրաստուի նաեւ Թոքիոյի Ողիմպիական խաղերու վարկանիշային մրցաշարերուն:
