Հայաստանի տնտեսութիւնը կախուած չըլլաով մէկ աղբիւրէ՝ նաւթէ կամ կազէ, միաժամանակ զարգացման մեծ ներուժ ունի: Այս մասին յայտարարած է նախագահ Արմէն Սարգսեանը երկուշաբթի օրը Հայկական բարեգործական ընդհանուր միութեան (ՀԲԸՄ) Մանուկեան-Տէմիրճեան դպրոցի սաներու հետ հանդիպման ժամանակ:
Սարգսեանը մասնաւորապէս հեռանկարային համարած է տեղեկատուական տեխնոլոգիաներու, զբօսաշրջութեան, դեղագործութեան բնագաւառները, դրամատնային համակարգն ու ծառայութիւններու ոլորտը: Զարգացման լուրջ հնարաւորութիւններ ունի նաեւ կրթական համակարգը: Ըստ նախագահի՝ այս ուղղութիւնները համասեռ զարգանալով՝ կրնան տնտեսութեան կայուն աճ ապահովել:
«Իսկ մեր մեծ հարստութիւնը մի բան է, որը երբեք չի վերջանայ, որովհետեւ հազարաւոր տարիներ չի վերջացել. դա ձեր հայ լինելն է, ձեր կենետիքան է: Դուք բոլորդ խելացի էք: Ուղղակի պէտք է լինէք աշխատասէր, ազնիւ, նուիրուած եւ հպարտ նրանով, ինչ որ էք», – նշած է Արմէն Սարգսեանը:
ԱՄՆ Գալիֆորնիա նահանգի մէջ գործող դպրոցի աւագ դասարաններու աշակերտները իրենց երկշաբաթեայ հանգիստը կ’անցնեն Հայաստանի մէջ եւ արդէն այցելած են տարբեր վայրեր, ըսուած է Հայաստանի նախագահի գրասենեակի հաղորդագրեան մէջ: