Հայաստանի մէջ խորհրդարանական ընտրութիւններէն յետոյ դէպի Ռուսաստան արտահանում իրականացնող ընկերութիւններու նկատմամբ արգելքները աստիճանաբար պիտի հանուին։ Լրագրողներու հետ զրոյցին այս մասին ըսած է
տնտեսութեան նախարար Գէորգ Պապոյեան, Յունիս 1-ին Երեւանի մէջ նախընտրական քարոզարշաւի ժամանակ։ Պապոյեանի խօսքով՝ Հայաստանէն ներկրուող որոշ ապրանքներու նկատմամբ Ռուսաստանի արգելքները տեխնիկական են եւ հասցէատէրը Տնտեսութեան նախարարութիւնը չէ, Սնունդի անվտանգութեան տեսչական մարմինն է։
«Իմ տեղակալը եղել է վերջերս Ասթանայում եւ հանդիպել է ռուսաստանցի գործընկերների հետ, մթնոլորտը շատ դրական է եւ բոլոր կողմերը հակուած են խնդրին լուծում տան, եւ ես կարծում եմ, որ ընտրութիւններից յետոյ շատ արագ այս հարցերին լուծում կը տանք»,- ըսած է Պապոյեան։
Անդրադառնալով Հայաստանի վարչապետին եւ Ռուսաստանի նախագահին` Յունիս 1-ին կայացած հեռախօսազրոյցի բովանդակութեան, Պապոյեան յայտնած է, որ շատ ջերմ զրոյց եղած է երկու երկիրներու ղեկավարներուն միջեւ, եւ բոլոր հարցերը պիտի լուծուին։
Հայաստանը արտահանում կ’իրականացնէ դէպի Յունաստան, Գերմանիա եւ այլ երկիրներ։ Նախարարը յայտնած է, որ այսօր Տնտեսութեան նախարարութիւնը արտահանման աջակցութեան ծրագրեր ներկայացուցած է դէպի Եւրոպական Միութիւն,
Մերձաւոր Արեւելք՝ ճանապարհային ծախսերու փոխհատուցում, մաքսատուրքի փոխհատուցում, IP-ի հետ կապուած ծախսերու փոխհատուցում։
«Եւրոպական Միութեան արտահանումը կրկնապատկուել է, նպատակ ունենք քառապատկենք, հնգապատկենք մինչեւ տարեվերջ»,- ըսած է Պապոյեան։
