Ընդդիմութիւնը անելանելի վիճակի մէջ է, որովհետեւ ակնյայտ է՝ երեք ընդդիմադիր հիմնական ուժ համարուող կուսակցութիւնները խնդիր ունին նուազագոյն շեմը հատելու։
«Քաղաքացիական Պայմանագիր» կուսակցութեան քարոզարշաւի ընթացքին՝ ճեպազրոյցի ժամանակ, այս մասին ըսած է Ազգային Ժողովի նախագահ Ալեն Սիմոնեանը:
«Գագիկ Ծառուկեանը մասնակցում է կուսակցութիւնով, որպէսզի 4%-ն իր հին միջոցի հաշուին փորձի հատել: «Հայաստան» դաշինքն ակնյայտ է, որ չի հատելու. 100 հազար ձայն ՀՀ-ում, անհնար բան է, վստահ եմ դրանում: Դրա համար Ռոպերթ Քոչարեանը պատրաստ է գլուխկոնծի տայ, պպզի, բարի խօսի, ասի՝ Տուայ Լիպային է սիրում, վիրաւորի, որ մենք իրեն պատասխանենք:
««Ուժեղ Հայաստան». այդ կազմակերպութիւնն էլ ակնյայտ էր, որ իրենց գաղտնիքը, այդ շղարշը, որ եսիմ որտեղից ինչ-որ իրենք եկել են, որ բան կայ, Մարտին դա անցաւ, յետոյ լոյսերը տուեցին, տեսախցիկները միացրին, եւ պարզ դարձաւ, որ այդ մարդը դ-թ-ի ուղղագրութիւնը չգիտի, ղ-խ-ի ուղղագրութիւնը չգիտի, հայերէն չի ճանաչում, եւ ընդհանրապէս բացի նրանից, որ ինքը չի կարող ՀՀ-ում որեւէ պաշտօն զբաղեցնել, նաեւ պատկերացում չունի՝ ինչից է խօսում»,- նշած է ան:
