Կիւմրիի մէջ միաժամանակ բողոքի երեք հաւաքներ էին, արեւմտամէտներու խումբը՝ ընդդէմ ռուսական ռազմակայանի ներկայութեան, երկու ռուսամէտ խումբերն ալ՝ ի պաշտպանութիւն անոր: Ոստիկանական աննախադէպ ուժեր կեդրոնացած էին, ռազմակայանյ տանող ճանապարհները փակ էին:
Առաջինը ռուսական ռազմակայանի մօտ հաւաքը «Մայր Հայաստան» նախաձեռնութեան անդամները փորձեցին իրականացնել, բայց ոստիկանները արգիեցին վերջիններուս յառաջ շարժիլ դէպի ռազմակայան՝ պատ կազմեցին ու ժամանակ տուեին, որ տարածքէն հեռանան:
Այս հաւաքին մասնակիցները դրօշներով, ազդագրերով հեռացան, որ աւելի ուշ նոյն տեղը ռուսական ռազմակայնը Հայաստանէն հանելու կողմնակից եւրոպամէտ ուժերու հաւաքի մասնակիցներուն չհանդիպին:
Ի աջակցութեան ռազմակայանին նաեւ կոմունիստներ հաւաքուած էին «Մայր Հայաստան» յուշահամալիրին մէջ: Այստեղ քաղաքապետարանի աշխատակիցներ էին, Կոմկուսի ցուցակով աւագանիի անդամներ: Այս պարագային արդէն հակադիր թեւերը իրար հանդիպեցան ու վիճաբանութիւն սկսաւ:
Ռուսական 102-րդ ռազմակայանի գլխաւոր շտաբի միւս հսկիչ անցակէտին մօտ հաւաքուած էին եւրոպամէտ ուժերը՝ պահանջելով անոր դուրսբերումը Հայաստանէն: Ի դէպ, այդ ընթացքին ռազմակայանի ներսէն հայկական ու ռուսական բարձր երաժշտութիւն կը հնչէր:
Հսկիչ անցակէտը թ՛է ներսէն, թ՛է դուրսէն մեծ թիւով ոստիկաններ կը հսկէին: Հաւաքի նախաձեռնողը՝ «Յանուն Հանրապետութեան» կուսակցութեան ղեկավար Արման Բաբաջանեանը թուարկեց քայլերը, որոնցով, ըստ անոր, հնարաւոր է հասնիլ ռազմաակայանի դուրսբերման Հայաստանէն:
Իրաւապաշտպան Արթուր Սաքունցն ալ պահանջեց, որ դադրեցուի Հայաստանի պետական պիւտճէէն ռազմակայանի ֆինանսաւորումը:
«Մենք առաջին հերթին պահանջում ենք Հայաստանի Հանրապետութեան կառավարութիւնից՝ դադարեցնել Հայաստանի Հանրապետութեան պիւտճէից այս ռազմակայանի, զաւթիչների, գաղութատէրերի բոլոր ծախսերի վճարումները: Մենք դրա համար, պատկերացնում է՞ք, անհեթեթ է՝ մեզ վտանգ ներկայացնող, մեր տարածքը զաւթած […] ուժին մենք պահում ենք»,- յայտարարեց Սաքունց:
Չնայած հակադիր հաւաքներու մասնակիցներուն միջեւ ընդհանուր լարուածութեան ու մեծաքանակ ոստիկանական ուժերուն, որեւէ խումբէ ոեւէ մէկը բերման չենթարկուեցաւ:
