Բրիտանիոյ խորհրդարանի պատգամաւոր, Աշխատաւորական կուսակցութեան անդամ Ռուփա Հաք յայտնած է, որ Հարաւային Կովկասի մէջ իրավիճակը բարդ է՝ շեշտելով, որ այս տարածաշրջանին մէջ ժողովրդավարական Հայաստանը ունի թշնամական հարեւան՝ ի դէմս Ատրպէյճանի՝ իր յարձակումներով ու հայերու դէմ ցեղային դրդապատճառներով յանցագործություններով:
Պատգամաւորը անդրադարձած է նաեւ Ատրպէյճանի կողմէ Լեռնային Ղարաբաղի շրջափակման ու այնտեղ իրականացուցած ցեղային զտման:
Հաք այդ մասին խօսած է Բրիտանիոյ խորհրդարանին մէջ «Լեռնային Ղարաբաղի փախստականներուն միջազգային աջակցութիւն» խորագրով քննարկման ընթացքին:
«Տարածաշրջանին մէջ բարդ իրավիճակ է: Մենք այստեղ կը խօսինք եւրոպական մերձաւոր հարեւանի ժողովրդավարութեան մասին, որ թշնամական հարեւան ունի ի դէմս Ատրպէյճանի՝ իր յարձակումներով եւ հայերու դէմ ցեղային դրդապատճառներով յանցագործութիւն ներով: Թիւերը մռայլ են՝ 10 ամիս շարունակ սննդամթերքի, վառելանիւթի եւ ելեկտրուժի ապօրինի շրջափակմամբ եւ 100.000 մարդու հարկադիր տեղահանմամբ: Իմ հետաքրքրութիւնը այս հարցով կու գայ իմ ընտրողներէն: Մենք ունինք կենսունակ եւ զգալի բազմաշերտ հայկական համայնք, ինչ որ կ՛ընդգծէ, որ այս երկիր մըն է, որ երկար տարիներ ենթարկուած է ջարդերու եւ ցեղասպանութիւններու», ըսած է Հաք:
Ան նշած է, որ Փետրուարին այլ պատգամաւորներու հետ այցելած է Հայաստան:
«Այդ այցի ընթացքին հանդիպեցանք վարչապետին, Ազգային ժողովի նախագահին, ընդդիմութեան ու իշխանութեան ներկայացուցիչներուն: Սակայն ամենայիշարժանը Ջերմուկ այցելութիւնն էր: Մեր այցելութեան ամենայիշարժան կողմը փախստականներն էին, որոնց մենք տեսանք: Մենք լսեցինք մարդկային տառապանքներու սարսափելի պատմութիւններ, որոնք վառելանիւթի բացակայութեան պատճառով ոտքով փախած էին Հայաստան: Այս երկրին մէջ մեր ձայնը պէտք է աւելի ուժեղ ըլ լայ: Այս պալատին մէջ 2020 թուականին մենք քննար կեցինք Լաչինի միջանցքի շրջափակումը, բայց մեր թոյլ արձագանգը խիզախեց այդ գործողութիւնները: Սա բոլորովին կանխատեսելի էր տարիներ առաջ», նշած է պատգամաւորը:
Ան քննադատած է Միացեալ Թագաւորութեան կառավարութիւնը Հայոց ցեղասպանութիւնը չճանչնալու համար: Պատգամաւորը ընդգծած է, որ Միացեալ Թագաւորութեան ամենամօտ դաշնակից ԱՄՆ-ի նախագահը ճանչցած է Հայոց ցեղասպանութիւնը, սակայն ՄԹ կառավարութիւնը անոր որեւէ կերպ չէ արձագանգած: «Այս երկչոտութիւնը կը խրախուսէ Ատրպէյճանի գործողութիւնները», ըսած է Հաք:
Ան յաւելած է, որ կ՛ուզէ ճնշում գործադրել ՄԹ կառավարութեան վրայ, որպէսզի օգնութիւն տրամադրուի Ատրպէյճանի իրականացուցած ցեղային զտման հետեւանքով ԼՂ-էն բռնի տեղահանուած եւ Հայաստանի մէջ հաստատուած անձերու:
«Կրնա՞յ ըլլալ Լեռնային Ղարաբաղէն փախստականների համար «տուներ Ուքրանիոյ համար» տիպի ծրագիրը: Ի վերջոյ, Լեռնային Ղարաբաղի ժողովուրդը կը փափաքի վերադառնալ իր հողը, այն վայրերը, ուր ապրած է հազարամեակներ շարունակ, թէեւ մենք կը տեսնենք Արցախի նման տարածքները քարտէզէն ջնջելու փորձեր: Թէեւ աշխարհի աչքերը կրնան այլ տեղ ըլլալ, մենք պէտք է հետեւողական ըլլանք մեր սկզբունքներուն մէջ: Ուքրանիոյ վերաբերեալ մենք կ՛ըսենք, որ ինքնորոշումը ճիշդ է, իսկ կործանումը սխալ է, ուրեմն ինչո՞ւ չենք կրնար այստեղ հետեւողականորէն կիրառել նոյն սկզբունքները», եզրափակած է Հաք: