Ցեղասպանութիւններու կանխարգիլման օրակարգը կը շարունակէ մնալ ՀՀ արտաքին քաղաքականութեան առաջնայնութիւններու շարքին: Հայաստանը այս ուղղութեամբ աշխոյժ կը համագործակցի միջազգային գործընկերներու հետ: Այս մասին յայտնած է ՀՀ ԱԳՆ-ն` պատասխանելով “Sputnik Արմէնիա”ի գրաւոր հարցումին, թէ գերատեսչութիւնը ինչ կ’ընէ Հայոց Ցեղասպանութեան ճանաչման գործընթացը յառաջ մղելու հարցով։
ԱԳՆ–էն կ’ընդգծեն, որ իւրաքանչիւր տարի Դեկտեմբեր 9-ին` Ցեղասպանութեան զոհերու յիշատակին եւ արժանապատուութեան եւ այդ յանցագործութեան կանխարգիլման միջազգային օրը (հաստատուած է 2015-ին ՀՀ կողմէ ՄԱԿ Գլխաւոր վեհաժողովին ներկայացուած բանաձեւով) Հայաստանի եւ արտերկրի մէջ կը կազմակերպուին շարք մը խորհրդաժողովներ եւ քննարկումներ:
«2023 թուականի Դեկտեմբերի 4-ին` ի կատարումը վերոնշեալ բանաձեւի, Ժընեւում կայացել է միջնստաշրջանային քննարկում նուիրուած Ցեղասպանութեան յանցագործութիւնը կանխարգելելու եւ պատժելու մասին պայմանագրի 75-ամեակին, որի ընթացքում քննարկման առարկայ է եղել ատելութեան տարածումը ընկերային լրատուական հարթակներու օգտագործման միջոցով: Միջոցառմանը բացման խօսքով հանդէս է եկել ՀՀ ԱԳ նախարարը», նշուած է հաղորդագրութեան մէջ։
Բացի անկէ, ԱԳՆ–էն յատուկ կ’ընդգծեն, որ ՄԱԿ Մարդու Իրաւունքներու Խորհուրդին մէջ երկու տարին մէկ Հայաստանը կը ներկայացնէ «ցեղասպանութեան կանխարգելում» բանաձեւը:
Երեւանը նաեւ «Ընդդէմ ցեղասպանութեան յանցագործութեան» համաշխարհային համաժողովներու նախաձեռնողն ու կազմակերպիչն է, որ տեղի ունեցած է 2015, 2016, 2018 եւ 2022 թուականներուն։
«2024թ-ին նախատեսւում է անցկացնել «Ընդդէմ ցեղասպանութեան յանցագործութեան» 5-րդ համաշխարհային համաժողովը: Ներկայումս մշակւում է երկօրեայ միջոցառման հայեցակարգը», պատասխանած են ԱԳՆ–էն:
Արտաքին գործերու նախարարութիւնը կը վստահեցնէ, որ արտերկրի մէջ ՀՀ դիւանագիտական եւ հիւպատոսական մարմինները կը կազմակերպեն եւ կը մասնակցին Հայոց Ցեղասպանութեան տարելիցին նուիրուած միջոցառումներու եւ ոգեկոչման արարողութիւններու:
