Արեւմուտքը կը փորձէ ապակայունացնել իրավիճակը Հարաւային Կովկասի մէջ եւ խանգարել հայ-ատրպէյճանական կարգաւորումը:
Այս մասին յայտարարած է Ռուսիոյ Անվտանգութեան Խորհուրդի քարտուղար Նիքոլայ Փաթրուշեւը:
«Մենք կը տեսնենք նաեւ արեւմտեան երկիրներուն ցանկութիւնը՝ ցնցելու իրավիճակը Հարաւային Կովկասի մէջ, ինչպէս նաեւ միջամտելու հայ-ատրպէյճանական կարգաւորման, ինչ որ յանգեցուցած է իրավիճակի սրման այս շրջաններուն մէջ», ըսած է Փաթրուշեւ՝ ելոյթ ունենալով Պիշքեքի մէջ Աֆղանստանի հարցերով անվտանգութեան խորհուրդներու քարտուղարներու հանդիպման։
