Ֆրանսական հեղինակաւոր «Mezzo» հեռուստաալիքի հետ Հայաստանի պետական սիմֆոնիկ նուագախումբի համագործակցութեան բերումով մինչեւ 2024 թուականի Փետրուար 1-ին «Mezzo»-ի եթերով պիտի ցուցադրուին Հայաստանի պետական սիմֆոնիկ նուագախումբի համերգներու տեսագրութիւններ, կը տեղեկացնեն Հայաստանի պետական սիմֆոնիկ նուագախումբի մամուլի ծառայութենէն:
«Հայաստանի պետական սիմֆոնիկ նուագախումբը, հաւատարիմ իր առաքելութեանը, արտասահմանեան լսարանին է ներկայացնում հայ երաժշտահանական արուեստը։ Համերգների ծրագրերում կը հնչեն Արամ Խաչատրեանի, Աւետ Տէրտէրեանի, Էդուարդ Բաղդասարեանի, Առնօ Բաբաջանեանի, Ալեքսանդր Յարութիւնեանի եւ այլ երաժշտահանների ստեղծագործութիւններ», կ’ըսուի հաղորդագրութեան մէջ:
Պիտի շարունակէ ցուցադրուել նաեւ «Արամ Խաչատրեան» մշակութային հիմնադրամի ու ԿԳՄՄ նախարարութեան նախաձեռնութեամբ եւ «Mezzo» հեռուստաալիքի նկարահանած փաստագրական ֆիլմը՝ նուիրուած Արամ Խաչատրեանի 120-ամեակին (ֆիլմի առաջին ցուցադութիւնը «Mezzo»-ի եթերով կայացած է 2023 թուականի Դեկտեմբերին)։
Համերգները եւ ֆիլմը հնարաւոր է դիտել՝ հետեւելով կայքին մէջ տեղադրուած ժամանակացոյցին՝ https://www.mezzo.tv/en/Khachaturian-12378 ։
