Իսրայէլեան պաշտպանական Elbit Systems ընկերութիւնը 235 միլիոն տոլարի պայմանագիր կնքած է Ատրպէյճանին ժամանակակից PULS համազարկային կրակի ռէակտիւ համակարգեր եւ բարձր ճշգրտութեան Extra-MR հրթիռներ մատակարարելու վերաբերեալ։ Այս մասին հաղորդած է իսրայէլեան Globes պարբերականը՝ յղում ընելով իրազեկ աղբիւրներու։
Պայմանագիրը նախատեսուած է երեք տարուայ համար։ Անոր պայմաններուն համաձայն՝ իսրայէլեան ընկերութիւնը պիտի ապահովէ PULS արձակման կայանքներու, լրացուցիչ հրթիռահրետանային հարթակներու, համարկուած լոկիսթիկ աջակցութեան համալիրի, ինչպէս նաեւ բարձր ճշգրտութեան գերձայնային Extra-MR հրթիռներու խմբաքանակի մատակարարումը։
Extra-MR-ը բարձր ճշգրտութեան կառավարուող հրթիռ է, որ նախատեսուած է միջին հեռաւորութիւններու վրայ գործողութիւններ իրականացնելու համար, կ’ապահովէ հակառակորդի թիրախներու ճշգրիտ խոցումը մինչեւ 80 քմ հեռաւորութեան վրայ։ Ըստ պարբերականին՝ համակարգը լիովին համատեղելի է Elbit Systems ընկերութեան PULS համակարգի եւ առկայ C4I համակարգերու կառուցուածքներուն հետ՝ ճկուն եւ ծախսարդիւնաւէտ հնարաւորութիւններ ապահովելով լայն շրջանակի խնդիրներու համար։
