Ամերիկայի Միացեալ Նահանգները կ’ողջունէ ձերբակալուած հայ եւ ատրպէյճանցի զինուորներու Դեկտեմբեր 13-ի փոխանակումը, յայտնած է Պետական Քարտուղարութեան մամուլի խօսնակ Մեթիու Միլլըրը։
«Մենք կը խրախուսենք այդ քայլը: Մենք քննարկումներ կատարած ենք երկու կառավարութիւններուն հետ, Միացեալ Նահանգները կ’ողջունէ գերեվարուած հայ եւ ատրպէյճանցի քաղաքացիներու վերադարձը եւ կը հաղորդէ, որ կը քննարկուին վստահութեան ամրապնդման լրացուցիչ միջոցներ», ըսած է Միլլըր:
Անոր խօսքով՝ Ուաշինկթըն կը շարունակէ հաւատալ, որ խաղաղութիւնը հնարաւոր է, եթէ երկու կողմերն ալ ձգտին անոր:
«ԱՄՆ պիտի շարունակէ աշխատիլ այս ուղղութեամբ Պաքուի եւ Երեւանի հետ», աւելացուցած է Մեթիու Միլլըր։
