«Պէտք է գոհունակութեամբ արձանագրեմ, որ մենք վերլուծում ու տեսնում ենք, որ ԼՂ-ից տեղահանուածների հոսք Հայաստանից չկայ, այսինքն՝ արտագաղթի երեւոյթներ չկան։ Առաջին օրերին կար գնացողների բաւականին անհանգստացնող թիւ, բայց մենք ենթադրում էինք, որ շատ դէպքերում մարդիկ ուղղակի այցելում են հարազատների հրաւէրով եւ վերադառնում են», կառավարութեան նիստին յայտնեց վարչապետ Նիկոլ Փաշինեան:
Ըստ վարչապետին՝ կառավարութեան քաղաքականութիւնը ԼՂ-էն բռնի տեղահանուածներու վերաբերեալ հետեւեալն է. «Այն պայմաններում, երբ նրանք առարկայական հնարաւորութիւն չունենան ԼՂ վերադառնալու, մենք ամէն ինչ պէտք է անենք, որ նրանք մնան ՀՀ-ում»։
Փաշինեանի խօսքով՝ իրավիճակը այդ առումով կայունացած է։ Կառավարութեան ղեկավարը այդ կարեւոր ազդակ համարեց իրենց կողմէ իրականացուող քաղաքականութեան արդիւնքները գնահատելու առումով. «Թող իմ խօսքերը չմեկնաբանուեն այնպէս, թէ մենք ամբողջութեամբ լուծել ենք այդ մարդկանց խնդիրները։ Ինչ-որ իքս պահից ԼՂ-ից բռնի տեղահանուածների ու հայաստանցիների նկատմամբ իրականացուող մեր քաղաքականությունները պէտք է դառնան նոյնական»։
