Հայաստանի Պաշտպանութեան Նախարարութեան վարչական համալիրին մէջ, Սեպտեմբեր 6-ին, տեղի ունեցած է ճեպազրոյց Հայաստանի Հանրապետութեան մէջ հաւատարմագրուած օտարերկրեայ ռազմական կցորդներու եւ ներկայացուցիչներու հետ։
Այս մասին հաղորդագրութիւն տարածած է ՀՀ Պաշտպանութեան Նախարարութիւնը։
Ճեպազրոյցի ընթացքին ՊՆ Պաշտպանական քաղաքականութեան եւ միջազգային համագործակցութեան վարչութեան պետ Լեւոն Այվազեանը ռազմական կցորդներուն ներկայացուցած է վերջին օրերու ընթացքին հայ-ատրպէյճանական սահմանին ստեղծուած իրավիճակը, պատասխանած է հետաքրքրող հարցումներուն։
Նշուած է, որ ՀՀ զինուած ուժերը իրենց պարտականութիւններու ծիրին մէջ կը ձեռնարկեն բոլոր անհրաժեշտ քայլերը` իրավիճակի հետագայ սրացում թոյլ չտալու համար։
