Եւրոխորհրդարանի՝ Միջազգային յարաբերութիւններու հարցերով կոմիտէն դիմած է Անգարային՝ կոչ ընելով ճանչնալու Հայոց Ցեղասպանութիւնը։ Այս մասին ըսուած է ԵՄ-ի մէջ հայկական պատուիրակութեան 2022 թուականի Թուրքիոյ հարցով կոմիտէի զեկոյցին մէջ։
Կոմիտէն կ’աջակցի Հայաստանի եւ Թուրքիոյ միջեւ յարաբերութիւններու կարգաւորման՝ ելլելով «հաշտեցման, տարածաշրջանային կայունութեան եւ անվտանգութեան» շահերէն։
Այն կոչ կ’ընէ շուտափոյթ իրականացնելու յատուկ ներկայացուցիչներու ձեռք բերած պայմանաւորուածութիւնները, ինչպիսիք են օդային տարածքի եւ երկու երկիրներուն միջեւ սահմանի բացումը։
Զեկոյցը կ’ողջունէ մինչ այժմ ձեռք բերուած յառաջընթացը եւ գոհունակութեամբ կը նշէ Հայաստանի վարչապետին ներկայութիւնը Թուրքիոյ նախագահի երդմնակալութեան։
«Կոմիտէն Թուրքիոյ կոչ կ’ընէ ճանչնալու Հայոց Ցեղասպանութիւնը՝ թուրք եւ հայ ժողովուրդներուն միջեւ իրական հաշտեցման ուղի հարթելու համար», կ’ըսուի զեկոյցին մէջ։
Փաստաթուղթը նաեւ Թուրքիոյ կոչ կ’ընէ ամբողջութեամբ կատարելու հայկական մշակութային ժառանգութիւնը պաշտպանելու իր պարտաւորութիւնները։
