«Մենք ամէն օր պարեկութիւն կ’իրականացնենք Հայաստան-Ատրպէյճան սահմանին երկայնքով՝ Հայաստանի տարածքին, ներառեալ՝ Լաչինի միջանցքին մուտքը, ռազմական եւ անվտանգութեան ոլորտին մէջ նոր զարգացումներու մասին Պրիւքսէլին զեկուցելու համար», Թուիթըրով կը գրէ Հայաստանի մէջ Եւրոմիութեան առաքելութիւնը:
«Հետեւաբար, ԵՄ քաղաքացիական առաքելութեան անաչառ հաշուետուութիւնը ուղղակիօրէն կը նպաստէ Եւրոմիութեան գլխաւորած խաղաղ գործընթացին Հարաւային Կովկասին մէջ», ըսուած է գրառման մէջ։