Եւրոպական Միութիւնը դատապարտածէ ԵՄ-ի մէջ Ատրպէյճանի դեսպան Վակիֆ Սատիկովի կողմէ Եւրոխորհրդարանի անդամներուն ուղղուած ակնյայտ սպառնալիքը, որ հնչեցուած է հայ-ատրպէյճանական սահման ԵԽ պատուիրակութեան այցէն յետոյ։ Այս թեմայով յօդուած հրապարակած է «OC Media» լրատուական հարթակը։
Սատիկովը, որ նաեւ Պելճիքայի եւ Լիւքսեմպուրկի մէջ Ատրպէյճանի դեսպանն է, Յունիս 23-ին Թուիթըրով գրառում կատարած էր՝ ի պատասխան Եւրոխորհրդարանի պատգամաւորներու պատուիրակութեան՝ Հայաստան կատարած այցին, որուն ընթացքին պատուիրակութեան անդամները մեկնած էին Ատրպէյճանի հետ սահմանին մօտ:
Սատիկով տեղադրած էր ատրպէյճանական արտադրութեան դիպուկահար հրացանի պատկեր՝ հետեւեալ գրութեամբ.
«Անոնք գիտեն, թէ ինչ կ’ընեն պաշտպանուելու համար։ Ատրպէյճանի մէջ արտադրուած «Իսթիկլալ Իսթ-14.5» դիպուկահար հրացանը ունի մօտ 3000 մ կրակի արդիւնաւէտ հեռահարութիւն։ Հեռո՛ւ մնացէք Ատրպէյճանի պետական սահմանէն…»։