Ատրպէյճանի Արտաքին Գործերու Նախարարութեան խօսնակ Այխան Հաճիզատէն յայտնած է, որ «Ատրպէյճանը ընդամէնը պատասխանած է ռազմական սադրանքին, որուն հետեւանքով ատրպէյճանցի զինուոր վիրաւորուած է»։
Ատրպէյճանցի պաշտօնեան, արձագանգելով Հայաստանի վարչապետ Նիկոլ Փաշինեանի յայտարարութեան՝ պնդած է, որ «Հայաստանը պէտք է ամբողջովին դուրս բերէ զօրքը Ատրպէյճանի տարածքէն»։
«Ատրպէյճանի ներքին գործերուն խառնուելու փոխարէն Հայաստանը պէտք է իր պարտաւորութիւնները կատարէ եւ յարգէ Ատրպէյճանի տարածքային ամբողջականութիւնը թէ՛ խօսքով, թէ՛ գործով», յայտնած է Ատրպէյճանի ԱԳՆ-ի խօսնակը։
Վարչապետ Փաշինյեան Թուիթըրով գրառում կատարած է՝ միջազգային հանրութեան կոչ ընելով Լեռնային Ղարաբաղի բնակչութեան իրաւունքները եւ անվտանգութիւնը ապահովելու գործնական քայլեր ձեռնարկել:
«Մինչ Լաչինի միջանցքն ապօրինի արգելափակուած է, այս գիշեր անօդաչու թռչող սարքի կիրառմամբ ատրպէյճանական յարձակման հետեւանքով 4 մարդ է զոհուել», գրած է Փաշինեան։