Հայաստանի մէջ պիտի ստեղծուի Հայոց Ցեղասպանութենէն վերապրածներու եւ Ցեղասպանութեան զոհերու տուեալներու ելեկտրոնային կայք, ուր ի մի պիտի բերուի Ցեղասպանութեան զոհերուն անունները` կենսագրական տուեալներով: Այս մասին ասուլիսի ժամանակ յայտնեց Ցեղասպանութեան թանգարան-հիմնարկի տնօրէն Յարութիւն Մարութեանը:
«Ելեկտրոնային կայքի ստեղծումը կարեւորագոյն խնդիրներից է, որի գլխաւոր նպատակն է իմի բերել Ցեղասպանութիւնը վերապրածների եւ Ցեղասպանութեան զոհերի անունները` կենսագրական տուեալներով», ըսաւ Մարութեանը:
Անոր խօսքով` նախաձեռնութիւնը կ’իրականացուի պետական աջակցութեամբ: Համապատասխան գրաւոր երաշխիքները թանգարանի ղեկավարութիւնը ստացած է ինչպէս Արտաքին քաղաքական գերատեսչութենէն, այնպէս ալ ՀՀ Կրթութեան, Գիտութեան, Մշակոյթի եւ Մարմնակրթո»ւթեան նախարարութենէն: Թանգարան-հիմնարկը դիմած է Գիտութեան Պետական Կոմիտէ` հետագայ քայլերուն համար: Մարութեան նշեց, որ այս գործընթացը կրնայ 10-15 տարի տեւել:
Ներկայիս աշխատանքներ կը տարուին նաեւ աւագ դպրոցի աշակերտներուն եւ ուսանողներուն համար Հայոց Ցեղասպանութեան պատմութեան ուսումնասիրութեան դասընթացքի ներդրման ուղղութեամբ: Անցեալ տարի այս թեմայով կայացած է «Հայոց Ցեղասպանութեան թեմայի դասաւանդման մարտահրաւէրները 21-րդ դարուն» գիտաժողովը, որմէ յետոյ ՀՑԹՀ-ի ղեկավարութիւնը դիմած է ԿԳՄՄ նախարարութիւն: Ստեղծուած է 18 հոգիէ բաղկացած յանձնաժողով, որ զբաղած է ծրագրի մշակմամբ, որմէ յետոյ այն կրկին ուղարկուած է ԿԳՄՄ նախարարութիւն:
«Գիտաժողովի եւ հանդիպումների ընթացքում շատ քննարկւում էր, որ Հայոց Ցեղասպանութեան թեման պէտք է դասաւանդել, բայց ամբողջ հարցն այն է, թէ ինչպե՞ս եւ ի՞նչ պէտք է դասաւանդուի: Կայ համաշխարհային փորձ, որը պէտք է պարզապէս տեղայնացնել եւ կիրառել: Գործընթացը ամէն դէպքում սկսուած է եւ իր հունով յառաջ է գնում», պարզաբանեց Մարութեանը: