Միացեալ Ազգերու Կազմակերպութեան (ՄԱԿ) գլխաւոր քարտուղար Անթոնիօ Կութերեշ կը վերահաստատէ իր կոչը` ապահովելու Լաչինի միջանցքով ազատ ու անվտանգ տեղաշարժը: Այս մասին ըսաւ ՄԱԿ-ի գլխաւոր քարտուղարի խօսնակ Սթեֆան Տիւժարիքը:
«Գլխաւոր քարտուղարը ներկայ իրավիճակին վերաբերեալ իր մտահոգութիւնները յայտնած է 2022 թուականի Դեկտեմբեր 14-ի իր յայտարարութեան մէջ: Այս մտահոգութիւնները Քարտուղարութեան կողմէ բարձրաձայնուած են նաեւ 2022 թուականի Դեկտեմբեր 20-ին Հայաստանի հայցով հրաւիրուած Անվտանգութեան Խորհուրդի արտակարգ նիստի ընթացքին: Գլխաւոր քարտուղարը կը վերահաստատէ իր կոչերը` ապամագլցողութեան ենթարկել լարուածութիւնը եւ ապահովել միջանցքով ազատ ու անվտանգ տեղաշարժը` հաճաձայն աւելի վաղ ձեռք բերուած համաձայնութիւններուն, ան իր աջակցութիւնը կը յայտնէ միջնորդական ջանքերուն», «Արմենփրես»-ի հարցման ի պատասխան նշեց Տիւժարիքը` անդրադառնալով Ատրպէյճանի կողմէ Լաչինի միջանցքը արդէն չորս շաբաթէ փակ պահելու փաստին, ինչի հետեւանքով իրական մարդասիրական ճգնաժամ սկսած է Արցախի մէջ, ուր շուրջ 120 հազար բնակիչ յայտնուած են շրջափակման մէջ:
«ՄԱԿ-ի ներկայացուցչութիւնները Հայաստանի եւ Ատրպէյճանի մէջ կը շարունակեն բաց պահել կապը իշխանութիւններուն եւ միջազգային կազմակերպութիւններուն հետ ու պատրաստ են արձագանգելու, եթէ ըլլայ դիմում եւ թոյլ տան պայմանները», յայտնեց ՄԱԿ-ի գլխաւոր քարտուղարին խօսնակը:
