Պարոնուհի Քերոլայն Քոքսի, լորտ Ռոուէն Ուիլիըմզի, Քովընթրիի եպիսկոպոսի լորտ Տէյվիտ Ալթոնի, դոկտոր Ճոն Էյպնըրի եւ բրիտանացի պատգամաւոր Թիմ Լոութընի համատեղ յայտարարութիւնը.
«Մեծ հրատապութեամբ մենք կը գրենք միջազգային հանրութեան ցաւալի ձախողման մասին` լուծելու Ատրպէյճանի կողմէ մղուող շարունակուող ահաբեկչական պատերազմը` Ատրպէյճանի գլխաւորութեամբ` 21-րդ դարուն սանձազերծուած միջնադարեան ոճի շրջափակումով, որ կը շարունակուի 2023 թուականին հայ ժողովուրդին դէմ` Ստալինի կողմէ Ատրպէյճանին փոխանցուած պատմական հայկական Լեռնային Ղարաբաղի հողին վրայ:
Ատրպէյճանը փակած է Հայաստանէն միակ միջանցքը, որ հասանելի է հիմնական սննդամթերքի եւ դեղորայքի տեղափոխման, ինչպէս նաեւ իրենց ընտանիքներէն բաժնուած մարդոց համար: Առաջին անհրաժեշտութեան ապրանքներու սուր պակասը լուրջ մտահոգութիւն է, եւ Հայաստանի մէջ արդէն արձանագրուած են մահեր` բժշկական օգնութիւն ստանալու անհնարինութեան պատճառով:
Միջազգային իրաւունքի համաձայն` ցեղասպանութիւնը կանխատեսելու եւ կանխելու, զոհերը պաշտպանելու եւ նախայարձակը պատժելու պատասխանատուութիւն կայ:
Չնայած ՄԱԿ-ի Անվտանգութեան Խորհուրդի, ԵՈՒՆԻՍԵՖ-ի եւ այլ միջազգային կառոյցներու դատապարտման, լրատուամիջոցները փաստացիօրէն կը լռեցնեն Ատրպէյճանի այս բռնութիւնը, ինչ որ թոյլ կու տայ Ատրպէյճանին անպատիժ կերպով զարգացնել իր ցեղասպանական քաղաքականութիւնը:
Մենք կոչ կ’ընենք միջազգային առաջնորդներուն շտապ միջամտելու այս սարսափելի ողբերգութեան եւ յուսալու, որ խիզախ եւ վաստակաշատ լրագրողները լոյս կը սփռեն ժողովուրդի մը տառապանքներուն վրայ, որ, ցաւօք, շատ լաւ գիտէ ցեղասպանութեան յանցագործութիւններուն բնոյթը»:
