Հայաստանի ու Գանատայի վարչապետները հեռախօսազրոյց ունեցած են` քննարկելով Լեռնային Ղարաբաղի շուրջ լարուածութեան աճը: Տարածաշրջանին մէջ կայունութեան ու խաղաղութեան ապահովման առումով, Նիկոլ Փաշինեան ու Ժասթին Թրիւտօն կարեւորած են ԵԱՀԿ Մինսքի Խմբակի համանախագահութեան ծիրին մէջ Լեռնային Ղարաբաղի հիմնախնդիրին համապարփակ կարգաւորումը:
Անոնք անդրադարձած են Հարաւային Կովկասի մէջ տեղի ունեցող գործընթացներուն, այդ շարքին` Հայաստանի եւ Ատրպէյճանի միջեւ սահմանագծման եւ սահմանազատման հնարաւորութիւններուն, ինչպէս նաեւ հայ-թրքական երկխօսութեան, կը փոխանցէ հայկական կողմը:
Ուքրանիոյ մէջ ստեղծուած իրավիճակին եւս զրոյցի ընթացքին անդրադարձ կատարուած է` ըստ հաղորդագրութեան:
