Մարդասիրական օգնութեան կարգով 2021-ի Յունուար-Փետրուարին Հայաստան ներմուծուած է 312.5 թոն ապրանք, որու արժէքը կազմած է 1 միլիառ 434.3 միլիոն դրամ կամ 2 միլիոն 750.6 հազար տոլար, որ նախորդ տարուայ նոյն ժամանակի նկատմամբ աւելի է 18.9 տոկոսով: «Արմէնփրէս»-ի հաղորդմամբ՝ այս մասին կը վկայեն ՀՀ վիճակագրական կոմիտէի հրապարակած տուեալները:
Հայաստան ուղարկուած են ամէնէն շատ հիւսուածեղէնի իրեր՝ 801.4 հազար տոլարի, այնուհետեւ տարբեր արդիւնաբերական ապրանքներ՝ 553.9 հազար տոլարի, տարրաբանութեան եւ անոր հետ կապուած արդիւնաբերութեան ճիւղերու արտադրանք՝ 511.8 հազար տոլարի, սարքեր եւ գործիքներ՝ 464.9 հազար տոլարի:
Ընդ որում ամէնէն շատ մարդասիրական օգնութիւն ուղարկողը եղած է Միացեալ Նահանգները՝ 757.5 հազար տոլարի, որ 2020-ի Յունուար-Փետրուարի նկատմամբ աւելի է 94.7 տոկոսով: Անոր կը յաջորդէ Չինաստանը՝ 470.7 հազար դոլարի օգնութեամբ, նախորդ տարուայ նկատմամբ աւելնալով 4 անգամ, որմէ յետոյ՝ Սպանիան՝ 426.8 հազար տոլարի՝ նախորդ տարուայ նոյն ժամանակի համեմատ աւելնալով 115.4 անգամ:
