Ֆրանսան հանդէս եկած է Լեռնային Ղարաբաղի հակամարտութեան երկարաժամկէտ քաղաքական կարգաւորման ուղիներու որոնման օգտին: «Արմէնփրես»–ի հաղորդմամբ, ԹԱՍՍ գործակալութեան տեղեկացմամբ, այս մասին յայտնած են Էլիզէ պալատէն՝ յղում ընելով Ֆրանսայի նախագահ՝ Էմմանուէլ Մաքրոնի եւ Հայաստանի վարչապետ՝ Նիկոլ Փաշինեանի միջեւ կայացած հեռախօսազրոյցին:
Անոր խօսքով, հեռախօսազրոյցի ընթացքին նախագահը տեղեկացուցած է Ֆրանսայի պատրաստակամութեան մասին, աջակցելու գերիներու ազատ արձակելու ջանքերուն, ինչպէս նաեւ Հայաստանի տնտեսական զարգացման: