Home ԳԼԽԱՒՈՐ ԼՈՒՐԵՐ Անիի Աւերակներուն Դիմաց Բարձրացաւ Ամենամեծ Հայաստանի Եռագոյն Դրօշը

Անիի Աւերակներուն Դիմաց Բարձրացաւ Ամենամեծ Հայաստանի Եռագոյն Դրօշը

by MassisPost

Ցեղասպանութեան զոհերու յիշատակի օրը, Մեծ Եղեռնէն 105 տարի անց` ի նշան յիշատակի ու պահանջատիրութեան, հայ-թրքական սահմանին` պատմական Անի մայրաքաղաքի դիմաց, Շիրակի մարզի հեռաւոր Նորշէն բնակավայրի մօտ 21 մեթր բարձրութեան վրայ վեր խոյացած է 10 մեթր երկարութիւն եւ 5 մեթր բարձրութիւն ունեցող Հայաստանի Եռագոյն դրօշը, բացուած է նաեւ խաչքար։

Խորհրդանշական արարողութեան մասնակցած են Շիրակի մարզպետ Տիգրան Պետրոսեան, Գիւմրիի քաղաքապետ Սամուէլ Բալասանեան, պաշտօնատար այլ անձեր, հիւրեր: Դրօշը սահմանի միւս կողմէն շատ յստակ կ՚երեւի: “Անշուշտ, շատ յուզիչ ու խորհրդանշական էր: Դրօշը վեր է խոյացել անմիջապէս Անի մայրաքաղաքի դիմաց ու խորհրդանշական ՝ Ապրիլի 24-ին, որն իր մէջ ամփոփում է կարեւոր մի միտք՝ եղե՛լ ենք, կան՛ք ու կը լինենք։ Իսկ սահմաններն ու սահմանային բնակավայրերը պէտք է Հայի շնչով լցուեն եւ առաւել ամուր լինեն”, իր խօսքին մէջ նշած է Շիրակի մարզպետ Տիգրան Պետրոսեան:

armeniaflag-1

Նախաձեռնութիւնը կարելի եղած է իրագործել ռուսաստանաբնակ Ասլանեան, Խռանեան եւ Գրիգորեան ընտանիքներու աջակցութեան շնորհիւ։

Հարակից Նյութեր

Leave a Comment