Մարդասիրական օգնութեան կարգով այս տարուան Յունուար-Փետրուարին Հայաստան ներմուծած է 372 թոն ապրանք, որու արժէքը կազմած է 26 միլիոն 854.1 հազար ԱՄՆ տոլար: Ինչպէս կը հաղորդէ «Արմենբրես»-ը, վկայակոչելով ՀՀ ազգային վիճակագրական ծառայութեան տուեալները, նախորդ տարուայ նոյն շրջանին Հայաստան ներմուծուած է 5 միլիոն 053.1 հազար տոլար արժողութեամբ 339.2 թոն ապրանք:
Ստացուած օգնութեան մէջ մեծ ծաւալ կազմած են քիմիայի եւ անոր հետ կապուած արդիւնաբերութեան ճիւղերու արտադրանքները` շուրջ 12մլն 510.5 հազար տոլարի, սարքերը` 11 միլիոն 412.7 հազար տոլարի, մեքենաները, սարքաւորումները եւ մեխանիզմները` 1545.2 հազար տոլարի:
Ամենաշատ մարդասիրական օգնութիւն տրամադրած է Միացեալ Նահանգները`16 մլն 052.7 հազար տոլարի, այնուհետեւ Չինաստանը՝ 1 միլիոն 693.0 հազար տոլարի եւ Հնդկաստանը` 1 միլիոն 028.4 հազար տոլարի:
ԵՄ երկիրներէն 784.4 հազ. տոլարի օգնութիւն ստացած է, իսկ ԱՊՀ երկիրներէն 2018-ի Յունուար-Փետրուարին մարդասիրական օգնութիւն չէ ստացուած:
