Համացանցին վրայ կը շրջանառուի Ամենայն հայոց կաթողիկոսին ուղղուած նամակ մը, որ կը վերագրուի Արշակ սրբազանին հարցը ուսումնասիրող Էջմիածնական յանձնախումբին: Նամակին տակ անդամ 7 եպիսկոպոսներու եւ արքեպիսկոպոսներու անուններն են, ոմանց ստորագրութիւնները: Նամակով անոնք կ’առաջարկեն, որ վեհափառը որոշակի ժամկէտով կասեցնէ Արշակ արքեպիսկոպոսի զբաղեցուցած բոլոր պաշտօնները, եւ ան ապրի Մայր Աթոռէն դուրս, այլ վայրի մէջ, ուր կ’որոշէ կաթողիկոսը: Արդեօ՞ք սա իրական նամակ է՝ Մայր Աթոռի տեղեկատուական համակարգը լուռ է:
Յանձնախումբի անդամներէն Հայկազուն արքեպիսկոպոս Նաճարեանը մասամբ կը հաստատէ. «Մի քանի նամակներ կան, ես չգիտեմ՝ որ մէկը ինչ նամակ է եւ այլն, բայց յանձնախումբը ինչ-որ նամակ պատրաստել է եւ վեհափառ հայրապետի ուշադրութեանն ուղարկել է»:
Արդեօք առաջարկա՞ծ են կասեցնել Արշակ սրբազանի հոգեւոր ծառայութիւնը՝ Հայկազուն արքեպիսկոպոսը ըսաւ. «Այդպիսի բան առայժմ չկայ, բայց նման մտայնութիւն կայ»:
Արքեպիսկոպոս Նաճարեան շեշտեց, որ վերջնական որոշում ամէն պարագայի դեռ չունին, ուսումնասիրութիւնը պիտի աւարտեն, պիտի սպասեն վեհափառի արձագանգին. «Սա եկեղեցու ներքին հարցն է, եկեղեցին ինքը պէտք է լուծի ինչ-որ ձեւով, եւ եկեղեցում իշխանութիւն կայ նշանակուած, յանձնախումբ կայ, որը եթէ իր աշխատանքն ամբողջութեամբ կատարի, եւ վեհափառը գոհ լինի այդ աշխատանքից, ըստ այդմ կ’արձագանգի այդ աշխատանքին»:
