Ներքին գործերու նախարար Արփինէ Սարգսեանի գլխաւորութեամբ քննարկուած են Հայաստանի գաղթի եւ քաղաքացիութեան ոլորտներու ռազմավարական ծրագրի հիմնական ուղղութիւնները։
Արփինէ Սարգսեան ընդգծած է՝ գաղթի հոսքերու էական փոփոխութիւնները կը պահանջեն կառավարման նոր մօտեցումներ եւ արդիւնաւէտ մեխանիզմներ։ Հայաստանը ելքի երկրէն վերածուած է մուտքի եւ տարանցիկ ուղղութեան․ 2025 թուականին անկախութենէն իվեր առաջին անգամ արձանագրուած է ՀՀ քաղաքացիներու սահմանահատումներու գաղթի դրական հաշուարկ, իսկ դրական միտումը պահպանուած է նաեւ 2026 թուականի առաջին կիսամեակին։
Արփինէ Սարգսեան ընդգծած է գաղթի քաղաքականութեան ռազմավարական մօտեցումներու յստակացման եւ փաստաթուղթը մինչեւ տարեվերջ ընդունելու կարեւորութիւնը։ Անդրադարձ կատարուած է նաեւ քաղաքացիութեան վերարժեւորման․ այս ուղղութեամբ ծաւալուն քննարկումներու բերումով արդէն իսկ մշակուած է օրէնսդրական նախաձեռնութիւն, որ կը գտնուի աշխոյժ քննարկման փուլի մէջ։ Կարեւորուած է նաեւ վիզային քաղաքականութեան հաստատութենականացման անհրաժեշտութիւնը։
