Լեռնային Ղարաբաղէն բռնի տեղահանուած քաղաքացիները, որոնք ունեցած են կենսաթոշակի իրաւունք, ելեկտրոնային հարթակով տուեալները լրացնելէ յետոյ պիտի վերականգնեն իրենց թոշակը:
Յունուար 10-ին տարեկան ամփոփիչ ասուլիսի ժամանակ ըսաւ ՀՀ աշխատանքի եւ ընկերային հարցերու նախարար Նարեկ Մկրտչեանը՝ ներկայացնելով Լեռնային Ղարաբաղէն բռնի տեղահանուած քաղաքացիներուն տրամադրուող աջակցութեան ծրագրերը:
«Մեզ համար կարեւոր հարցերից էր նաեւ Լեռնային Ղարաբաղից տեղահանուած մեր հայրենակիցների կենսաթոշակների եւ նպաստների տրամադրումը, որտեղ իրականացրինք օրէնքի փոփոխութիւն, ինչի արդիւնքում կառավարութեանը վերապահվեց լիազօրութիւն, որպէսզի մենք կարողանանք այդ խնդիրը լուծել: Ըստ էութեան որոշուեց, որ բոլոր այն քաղաքացիները, որոնք մինչեւ տեղահանութիւնն ունեցել են կենսաթոշակի իրաւունք, կը ստանան կամ արդէն ստացել են իրենց թոշակը», ըսաւ Նարեկ Մկրտչեանը:
Լեռնային Ղարաբաղէն տեղահանուած քաղաքացիներու նպաստներու տրամադրման մասով նախարարը նշեց, որ 2024 թուականի Յունուար 9-ի դրութեամբ արդէն իսկ 135 անձի նշանակուած է երեխայի ծննդեան միանուագ նպաստ, 55 անձի՝ մայրութեան նպաստ եւ 165 անձի՝ մինչեւ 2 տարեկան երեխայի խնամքի նպաստ: Մկրտչեան նշեց, որ գործընթացը դեռ ընթացքի մէջ է:
«Լեռնային Ղարաբաղից բռնի տեղահանուած քաղաքացիները կը սկսեն ստանալ նպաստները նոյն այն ժամանակահատուածում եւ այն նոյն տրամաբանութեամբ, ինչ ՀՀ նպաստառուները», ըսաւ ան:
Նախարարը ընդգծեց, որ այժմ կը գտնուին միջնաժամկէտ եւ երկարաժամկէտ ծրագրերու մշակման փուլին մէջ եւ Միասնական սոցիալական ծառայութեան աշխատակիցները կը շարունակեն աշխատանքներ տանիլ Լեռնային Ղարաբաղէն բռնի տեղահանուած քաղաքացիներու աւելի խորքային կարիքներու գնահատման ուղղութեամբ:
