Ատրպէյճանի եւ Հայաստանի միջեւ խաղաղութեան պայմանագրի ստորագրման համար այլեւս որեւէ խոչընդոտ չկայ, յայտնած է Ատրպէյճանի նախագահ Իլհամ Ալիեւը։
Նախօրէին Ատրպէյճանի Արտաքին Գործերու Նախարարութիւննը Հայաստանը հրաւիրած է հանդիպելու սահմանին՝ քննարկելու խաղաղութեան գործընթացը։
«Մեր երկիրը կ’աջակցի տարածաշրջանային խաղաղութեան օրակարգին, Ատրպէյճանը պատրաստ է Հայաստանի հետ երկխօսութեան՝ խաղաղութեան պայմանագիր կնքելու եւ երկու երկիրներուն միջեւ յարաբերութիւնները կարգաւորելու համար», ըսած է Ալիեւ Բրիտանիոյ Արտաքին Գործերու Նախարարութեան՝ Եւրոպայի եւ Հիւսիսային Ամերիկայի հարցերով պետական նախարար Լէօ Տոքերթիի հետ հանդիպման ժամանակ։