Երեւանի Պետական Համալսարանի առաջին մասնաշէնքի նկուղային յարկի սենեակներէն մէկուն մէջ հրդեհ բռնկած է:
ԵՊՀ-էն յայտնած են, որ նախնական վարկածով հրդեհը յառաջացած է հոսանքի տատանումէ, կայ մէկ զոհ եւ երեք վիրաւոր։
Առողջապահութեան Նախարարութիւնը իր հերթին հաղորդած է, որ ԵՊՀ մասնաշէնքերէն մէկուն մէջ տեղի ունեցած դէպքին հետեւանքով երեք տուժած հիւանդանոց փոխադրուած է, անոնց կը ցուցաբերուի անհրաժեշտ բժշկական օգնութիւն:
Նախարարութիւնը եւս նշած է, որ պայթումին հետեւանքով կայ մահուան դէպք:
