Պաքուն կը քննադատէ Հոլանտայի խորհրդարանին որոշումը, որով Օրէնսդիրը Թագաւորութեան գործադիր մարմինին կոչ կ’ընէ դրական արձագանգելու Հայաստանին սպառազինութեան օգնութիւն տրամադրելու խնդրանքին։ Հոլանտայի Ներկայացուցիչներու Պալատը նման որոշում ընդունած է նախօրէին։
Հոլանտայի հայկական կազմակերպութիւններու դաշնութեան փոխանցմամբ՝ հոլանտացի պատգամաւորները կառավարութենէն պահանջած են յստակացնել՝ աւելի քան 9 ամիս տեւած շրջափակումէ եւ Ատրպէյճանի զինուած ուժերու յարձակումէն յետոյ Լեռնային Ղարաբաղէն հայերու արտագաղթը կը մտնէ՞ ցեղային զտումներու սահմանման տակ։
«{Փաստաթուղթը} ապակառուցողական է եւ մեր տարածաշրջանը կը մղէ ռազմականացման, այլ ոչ թէ Հայաստանի ու Ատրպէյճանի միջեւ խաղաղութեան եւ հաշտեցման», ատրպէյճանական «ԱՊԱ» գործակալութեան ըսած է Հոլանտայի մէջ Ատրպէյճանի դեսպան Ռախման Մուսթաֆաեւը։
Յիշեցնենք, որ Ատրպէյճանը ԵՄ-ի կազմին մէջ Հոլանտայի դաշնակից Իտալիոյ հետ բոլորովին վերջերս ռազմական օդանաւերու ձեռքբերման գործարք կնքած է, մինչ այդ ալ՝ սպանական ռատարներ ձեռք բերած է Սպանիայէն, Հաուպիցներ՝ Չեխիայէն ու Սլովաքիայէն, որոնք ստացել է Իսրայէլի միջոցով։