ՀՀ վարչապետ Նիկոլ Փաշինեան ընդունած է Եւրոպայի Խորհուրդի մարդու իրաւունքներու յանձնակատար Տունիա Միյաթովիչը:
Զրուցակիցները քննարկած են Ատրպէյճանի կողմէ Լեռնային Ղարաբաղի մէջ ցեղային զտման քաղաքականութեան հետեւանքով 100 հազարէ աւելի մեր հայրենակիցներու բռնի տեղահանութեան հետեւանքով ստեղծուած մարդասիրական իրավիճակը, միջազգային հանրութեան կողմէ օժանդակութեան հետագայ քայլերը:
Վարչապետը ողջունած է տիկին Միյաթովիչի այցը եւ վստահութիւն յայտնած է, որ այն պիտի նպաստէ ծանօթանալու ստեղծուած մարտահրաւէրներուն եւ խնդիրներուն:
Տունիա Միյաթովիչը յաւելած է, որ իր նպատակն է գնահատել առկայ կարիքները, այդ շարքին` Լեռնային Ղարաբաղի հայութեան իրաւունքներու ապահովման հետ կապուած:
Միտքեր փոխանակուած են նաեւ մարդու իրաւունքներու պաշտպանութեան ուղղութեամբ ՀՀ կառավարութեան կողմէ իրականացուող բարեփոխումներու, երկկողմ հետագայ համագործակցութեան շուրջ:
