«Մայր Հայաստան» դաշինքը կը վերահաստատէ՝ «Քաղաքացիական Պայմանագրին» Երեւանի մէջ իշխանազրկման համար պատրաստ են աջակցելու քաղաքապետի այն թեկնածուին, որ կը յայտարարէ, որ կը կիսէ Հայաստանի մէջ ամբողջական իշխանափոխութիւն իրականացնելու իրենց դիրքորոշումը:
«Ազգային առաջընթաց» կուսակցութիւնը որպէս քաղաքապետի թեկնածու առաջադրած է Հայկ Մարութեանին, որ հրապարակաւ ընդունած է «Մայր Հայաստանի» դիրքորոշումը ամբողջական իշխանափոխութեան անհրաժեշտութեան մասին:
Եթէ ոչ-իշխանական դաշտին մէջ հաստատուի համախոհութիւն, ապա «Մայր Հայաստան» դաշինքը իր մանտաթներով պիտի նպաստէ Երեւանի մէջ «Քաղաքացիական Պայմանագրի» իշխանազրկման գործընթացին եւ պիտի օգնէ ոչ-իշխանական դաշտէն նոր քաղաքապետի նշանակման՝ իր քուէն տալով «Ազգային առաջընթացի» ներկայացուցած քաղաքապետի թեկնածուին՝ Հայկ Մարութեանին», ըսուած է դաշինքի յայտարարութեան մէջ:
Արձագանքելով «Մայր Հայաստան» դաշինքի եւ «Հանրային Ձայն» կուսակցութեան կատարած առաջարկին՝ Հայկ Մարութեան ըսաւ. «Մենք բազմիցս դա յայտարարել ենք, որ մեր խումբը, մեր քաղաքական ուժը կարծում է, որ՝ այո՛, Հայաստանում պէտք է լինի ընդհանուր իշխանափոխութիւն»:
Երեւանի աւագանիի ընտրութիւններու անցողիկ շեմը յաղթահարած են
«Քաղաքացիական Պայմանագիր»ը (24 մանտաթ), «Ազգային Առաջընթաց»ը՝ (14 մանտաթ), «Մայր Հայաստան»ը՝ (12 մանտաթ), «Հանրապետութիւն»ը՝ (8 մանտաթ), «Հանրային Ձայն»ը՝ (7 մանտաթ):
