ԱՄՆ Գոնկրէսի Մարդու Իրաւունքներու Յանձնաժողովը Սեպտեմբեր 6-ին պիտի քննարկէ իրավիճակը Լեռնային Ղարաբաղի մէջ՝ Լաչինի միջանցքի արգելափակման հետեւանքով:
Լսումներուն հրաւիրուած է Միջազգային Քրէական Դատարանի նախկին դատախազ Լուիս Մորենօ Օքամփօն, որուն զեկոյցը մէջբերած է Ներկայացուցիչներու Տան յանձնաժողովը։
Միջազգային Քրէական Դատարանի նախկին դատախազ Լուիս Մորենօ Օքամփօն Օգոստոս 7-ին հրապարակած է փորձագիտական եզրակացութիւն՝ նշելով, որ ««ողջամիտ հիմք կայ պնդելու, որ Լեռնային Ղարաբաղի մէջ բնակող հայերուն նկատմամբ այժմ ցեղասպանութիւն կ’իրականացուի։
Լսումներու երկրորդ բանախօսն է Գոլումպիայի համալսարանի՝ «Վայրագութիւններ Արցախի մէջ» հետազօտական ծրագրի ղեկավար, փրոֆեսոր Տէյվիտ Ֆիլիփսը։
Լսումները բաց պիտի ըլլան Գոնկրէսի անդամներու, Գոնկրէսի աշխատակազմի, շահագրգիռ հանրութեան եւ լրատուամիջոցներու համար: Լսումները ուղիղ պիտի հեռարձակուին Յանձնաժողովի կայքով։