Կովկասի մէջ բանակութիւններու հարցերով ԱՄՆ Պետական Քարտուղարութեան աւագ խորհրդական Լուիս Պոնօն այս շաբաթ պիտի ժամանէ տարածաշրջան՝ քննարկելու խաղաղութեան գործընթացին ԱՄՆ աջակցութեան եւ տեւական ու արժանապատիւ խաղաղութեան հասնելու հարցերը, յայտնած է Պետական Քարտուղարութեան պաշտօնական ներկայացուցիչ Մեթիու Միլլըրը։
«Պարոն Պոնօն կը նախատեսէ հանդիպիլ առանցքային շահագրգիռ կողմերու հետ՝ աջակցելու համար հայ-ատրպէյճանական խաղաղութեան գործընթացին: Ան պիտի այցելէ ե՛ւ Հայաստան, ե՛ւ Ատրպէյճան», ըսած է Միլլըր։
Անոր խօսքով՝ պարոն Պոնօն պիտի քննարկյ Լեռնային Ղարաբաղի բնակչութեան մարդասիրական պայմանները, իրաւունքներն ու անվտանգութիւնը։ «Մենք հետեւողականօրէն կը յայտարարենք, որ տարածաշրջանին մէջ խաղաղութիւնը պէտք է ներառէ պաշտպանութեան այդ միջոցները», յաւելած է Միլլըր:
«Մենք պատրաստ ենք նպաստելու որեւէ գործընթացի, որ խաղաղութիւն եւ կայունութիւն կը բերէ Հարաւային Կովկասի ժողովուրդներուն», ըսած է ան։
Սա պիտի ըլլայ Լուիս Պոնոյի երրորդ այցը տարածաշրջան այդ դերով: