«Մարդասիրական իրադրութիւնը ԼՂ ում շարունակում է սրուել: Լաչինի միջանցքի ապօրինի արգելափակումը շարունակւում է՝ ի հեճուկս Արդարադատութեան Միջազգային Դատարանի ս.թ. Փետրուարի 22-ին կայացրած միրջանկեալ որոշման», կառավարութեան հերթական նիստին յայտնեց վարչապետ Նիկոլ Փաշինեան եւ յաւելեց, որ Լաչինի միջանցքով չեն շարժիր ո՛չ քաղաքացիներ, ո՛չ փոխադրութեան միջոցներ, ո՛չ բեռներ, եւ արգիլուած է նոյնիսկ Կարմիր Խաչի ինքնաշարժերուն երթեւեկութիւնը:
Ինչպէս ընդգծեց վարչապետը, Արդարադատութեան Միջազգային Դատարանին որոշումը չկատարելը եւ Դատարանի որոշման ապահովումը միջազգային օրակարգի հիմնահարց է. «Այդ որոշման չկատարաումն ու արհամարհումը բերել է մարդասիրական ճգնաժամի. ԼՂ բնակչութիւնը զրկուած է բնական կազի, ելեկտրականութեան արտաքին մատակարարումներից: Դադրեցուած են սննդի եւ առաջին անհրաժեշտութեան ապրանքների արտաքին մատակարարումները, դեղորայքի էական պակաս է արձանագրուած, նոյնիսկ ծանր հիւանդներին տեղափոխելու հնարավորութիւն չի տրւում: Ամէն ինչ արւում է ԼՂ հայերի կեանքը ԼՂ-ում անհնար դարձնելու համար: Հենց սա է ցեղային զտման քաղաքականութիւնը, որի մասին տարիներ շարունակ ահազանգում ենք»:
Այնուհետեւ վարչապետը նշեց, թէ ինչպէս կը պատկերացնեն իրադրութեան լուծումը՝ մասնաւորապէս նշելով, որ պէտք է կատարուի Արդարադատութեան Միջազգային Դատարանին որոշումը: