Երասխի մէջ կառուցուող մետաղաձուլական գործարանի տարածքին մէկ անգամէն երկու հատուածներու մէջ տեղադրուեցան Հայաստանի եւ Միացեալ Նահանգներու դրօշները։ Գործարանի տարածքէն ատրպէյճանական դիրքերը շատ հեռու չեն՝ մօտաւորապէս 800 մեթր հեռաւորութեան վրայ պարզ տեսանելի է ատրպէյճանական դրօշը։
Գործարանի ներկայացուցիչ Տիրան Յակոբեանը լրագրողներու հետ զրոյցին ըսաւ, որ ամենեւին ալ չեն ենթադրեր, որ դրօշի տեղադրմամբ այսպէս ըսած՝ գործարանին պաշտպանութիւնը պիտի աւելցնեն, սակայն դրօշներու տեղադրումը Տնօրէններու Խորհուրդի որոշումն է։ Այսպէս, ըստ անոր, կ’արձանագրեն, որ իրենք այդտեղ են եւ պիտի շարունակեն աշխատանքները։
«Մենք Հայաստանի Հանրապետութեան եւ Ամերիկայի Միացեալ Նահանգների դրօշները բարձրացնելով արձանագրում ենք մեր որոշումը, որ մենք այստեղից տեղ չենք գնալու եւ շարունակելու ենք գործարանի կառուցումը։ Այս տեղում լինելու, գործունէութիւն ծաւալելու, որեւէ բան կառուցելու եւ չկառուցելու, համաձայնելու եւ չհամաձայնելու միակ կէտը Հայաստանի Հանրապետութիւնն է, եւ Հայաստանի Հանրապետութիւնից մենք ունենք այդ թոյլտուութիւնը եւ ցանկութիւնը օրէնքով սահմանուած բոլոր փաստաթղթերը՝ այստեղ կառուցելու գործարանը։
Մենք շարունակելու ենք աշխատանքները՝ անկախ կրակել-չկրակելուց։ Այս տարածքում պէտք է կառուցենք գործարանքը։ Ինչ-որ մի պահի մէկ է՝ իրենք հասկանալու են, որ մենք չենք գնալու, եւ խաղի այդ կանոններով չենք խաղալու», ըսաւ ան։
Նախորդ շաբաթասկիզբէն ատրպէյճանական դիրքերէն ուղիղ կը կրակէին այս գործարանի տարածքին ուղղութեամբ, պարբերաբար կը թիրախաւորուէր տարածքը, երբ կը սկսէին աշխատանքները։ Անցեաթ շաբաթ այստեղ վիրաւորուած էր Հնդկաստանի երկու քաղաքացի։
