ՀՀ Կառավարութիւնը որոշեց փոփոխութիւն կատարել 2023 թուականի պիւտճէի մասին օրէնքին մէջ եւ Լեռնային Ղարաբաղի կառավարութեան միջպետական վարկ տրամադրել:
Ներկայացուող նախագիծին նպատակը յետպատերազմեան ժամանակահատուածին Լեռնային Ղարաբաղի տարածքին ստեղծուած ընկերային լարուածութիւնը մեղմելու համար յաւելեալ ֆինանսաւորում տրամադրելն է:
Նախագիծով կը նախատեսուի ՀՀ 2023 թուականի պետական պիւտճէի հարկային եկամուտներէն տրամադրել միջպետական վարկ Լեռնային Ղարաբաղին 3,5 միլիառ դրամի չափով` յետպատերազմեան ժամանակահատուածին Լեռնային Ղարաբաղի տարածքին ստեղծուած ընկերային լարուածութիւնը մեղմելուն ուղղուած յաւելեալ ֆինանսաւորման համար, կ’ըսուի որոշման մէջ:
