Ատրպէյճանի արտաքին գործերու նախարար Ճէյհուն Պայրամովը Եւրոպայի եւ Եւրասիոյ հարցերով ԱՄՆ պետական քարտուղարի օգնականի տեղակալ Էրիքա Օլսոնի հետ հանդիպման ընթացքին անդրադարձած է հայ-ատրպէյճանական յարաբերութիւններուն․
«Ատրպէյճանը, որպէս հայ-ատրպէյճանական յարաբերութիւններու կարգաւորման, նաեւ` հետագային խաղաղութեան համաձայնագրի ստորագրման հիմնական նախաձեռնութիւնը յառաջ քաշած կողմ, շահագրգռուած է գործընթացի յաջող աւարտով»:
Պայրամով յայտարարած է, որ հայկական կողմը խաղաղութեան պայմանագրին վերաբերեալ Ատրպէյճանի վերջին առաջարկներուն վեց շաբաթէ չէ պատասխանած:
