Ապրիլ 10-ին` ժամը 01:00-02:00 ինկած ժամանակահատուածին, ՀՀ տարածքին յայտնաբերուած եւ ձերբակալուած է Ատրպէյճանի զինուոր մը: Ըստ անոր խօսքին, իր հետ եղած է եւս մէկ զինուոր, որուն որոնողական աշխատանքները կը շարունակուին: Այս մասին յայտնած են ՀՀ Պաշտպանութեան Նախարարութենէն:
Յիշեցնենք, որ Ատրպէյճանի Պաշտպանութեան Նախարարութիւնը հաղորդած էր, որ սահմանափակ տեսանելիութեան պայմաններու բերումով Նախիջեւանի մէջ երկու ատրպէյճանցի զինուոր մոլորուած եւ անհետացած են:
