Վարչապետ Նիկոլ Փաշինեան տիկին Աննա Յակոբեանի հետ այցելած են Գերմանիոյ Դաշնային Հանրապետութեան նախագահի նստավայր, ուր հանդիպում ունեցած են ԳԴՀ նախագահ Ֆրանք-Վալթեր Շթայնմայերի եւ անոր տիկին Էլքէ Պիւտենպենտերին: Դիմաւորման արարողութենէն յետոյ վարչապետ Փաշինեանը եւ տիկին Յակոբեանը գրառում կատարած են պատուաւոր հիւրերու գիրքին մէջ, այնուհետեւ ՀՀ վարչապետը առանձնազրոյց ունեցած է Գերմանիոյ նախագահին, իսկ տիկին Յակոբեանը` Էլքէ Պիւտենպենտերի հետ:
Հայաստանի վարչապետին եւ Գերմանիոյ նախագահին հանդիպումը շարունակուած է նաեւ ընդլայնուած ձեւաչափով:
Նիկոլ Փաշինեանը եւ Ֆրանք-Վալթեր Շթայնմայերը քննարկած են հայ-գերմանական համագործակցութեան վերաբերող շարք մը հարցեր: Անդրադարձ կատարուած է քաղաքական եւ տնտեսական բնագաւառներուն մէջ փոխգործակցութեան զարգացման: Այդ ծիրին մէջ, կարեւորուած է երկու երկիրներու կառավարութիւններուն աշխոյժ փոխգործակցութիւնը:
Գերմանիոյ նախագահը պատրաստակամութիւն յայտնած է նպաստելու երկկողմ կապերու ամրապնդման եւ ընդգծած է Հայաստանի մէջ ժողովրդավարութեան զարգացման ուղղուած բարեփոխումներու կարեւորութիւնը:
Նիկոլ Փաշինեանը մանրամասնութիւններ փոխանցած է հաստատութենական բարեփոխումներու գործընթացին վերաբերեալ եւ նշած, որ ժողովրդավարութիւնը ՀՀ կառավարութեան համար ունի ռազմավարական նշանակութիւն:
Զրուցակիցները անդրադարձ կատարած են Հարաւային Կովկասի տարածաշրջանին մէջ տեղի ունեցող գործընթացներուն, Ատրպէյճանի կողմէ Լաչինի միջանցքի ապօրինի շրջափակման հետեւանքով Լեռնային Ղարաբաղի մէջ ստեղծուած մարդասիրական ճգնաժամին եւ երկուստեք հետաքրքրութիւն ներկայացնող այլ հարցերու:
Տիկին Աննա Յակոբեանը եւ Էլքէ Պիւտենպենտերը կարեւորած են պետութիւններու ղեկավարներու տիկնանց աշխոյժ գործունէութիւնը տարբեր ուղղութիւններով:
Գերմանիոյ նախագահին տիկինը կարեւորած է երկկողմ կրթութեան ոլորտի զզարգացումն ու այդ ուղղութեամբ կեանքի կոչուող ծրագիրները` մանրամասնութիւններ ներկայացնելով Գերմանիոյ մէջ իրականացուող քայլերուն վերաբերեալ:
Վարչապետին տիկինը նշած է, որ «Իմ Քայլը» հիմնադրամը եւս ծրագիրներ կ’իրականացնէ երկկողմ կրթութեան ոլորտին մէջ:
Ընդգծուած է կանանց կարեւոր դերը խաղաղութեան հաստատման եւ ամրապնդման գործին մէջ: Այս ծիրին մէջ, տիկին Յակոբեանն Էլքէ Պիւտենպենտերը հրաւիրած է այս տարի Երեւանի մէջ կայանալիք «Կանանց դերը ժողովրդավարութեան, խաղաղութեան եւ անվտանգութեան խթանման գործին մէջ» թեմայով միջազգային գագաթաժողովին:
