Լաչինի միջանցքով ինքնաշարժներու անխոչընդոտ անցումը վերականգնելու եւ միջանցքի նպատակային օգտագործման փաստը հաստատելու հարցը քննարկուած է Ատրպէյճանի Հանրապետութեան, Լեռնային Ղարաբաղի ներկայացուցիչներու եւ ռուս խաղաղապահ զօրախումբի հրամանատարի եռակողմ հանդիպման: Այս մասին յայտնած են Ռուսիոյ խաղաղապահ զօրակազմի հրամանատարութենէն:
Կողմերը քննարկած են նաեւ Լեռնային Ղարաբաղ ելեկտրամատակարարման եւ կազի անխափան մատակարարման հարցերը:
Բացի այդ, հանդիպման ծիրին մէջ քննարկուած է 2 հանքավայրերու մէջ ատրպէյճանական կողմի ներկայացուցիչներուն կողմէ կենսոլորտի վերահսկողութեան հնարաւորութիւնը (խօսքը Տրմպոնի եւ Քաշենի մասին է – Խմբ.):
Պայմանաւորուածութիւններ ձեռք բերուած են հետագայ համագործակցութեան, լարուածութեան նուազեցման, տարածաշրջանին մէջ խաղաղ կեանքի հաստատման եւ ԼՂ հիմնախնդիրի կարգաւորման ուղիներու որոնման շուրջ:
Նախապէս, Փետրուար 24–ին, ռուսական խաղաղապահ զօրախումբի հրամանատարութեան անմիջական մասնակցութեամբ Լեռնային Ղարաբաղի եւ Ատրպէյճանի ներկայացուցիչներու հանդիպում կայացած էր:
