ՀՀ վարչապետ Նիկոլ Փաշինեան մասնակցած է Միւնիխի Անվտանգութեան Համաժողովի բացման արարողութեան:
Համաժողովին կը մասնակցին քանի մը տասնեակ երկիրներու նախագահներ, կառավարութիւններու ղեկավարներ ու արտաքին գործերու նախարարներ:
Փաշինեանը արդէն քանի մը հանդիպումներ ունեցած է, այդ շարքին` Ֆրանսայի նախագահ Էմանուէլ Մաքրոնի, Իրաքի վարչապետ Մոհամմատ Շիա Սուտանի հետ:
Մաքրոնն ու Փաշինեանը միտքեր փոխանակած են տարածաշրջանի անվտանգութեան եւ կայունութեան վերաբերող հարցերու շուրջ:
Կառավարութենէն կը յայտնեն, որ Իրաքի վարչապետ Մոհամմատ Շիա Սուտանի հետ անոնք կարեւորած են հայ-իրաքեան յարաբերութիւններու զարգացումը տարբեր ուղղութիւններով, այդ շարքին` քաղաքական եւ տնտեսական: Այդ առումով, կողմերը ընդգծած են երկու երկիրներուն միջեւ առեւտրատնտեսական կապերու խորացման անհրաժեշտութիւնը, գործարարներու շրջանակին մէջ փոխգործակցութեան ընդլայնումն ու ամրապնդումը:
