Ազգային Ժողովի «Հայաստան» խմբակցութեան պատգամաւորներ Սէյրան Օհանեանի եւ Արմէն Չարչեանի նկատմամբ յարուցուած է հանրային քրէական հետապնդում: «Արմենպրես»-ի հետ զրոյցին այս մասին ըսած է ՀՀ գլխաւոր դատախազի խորհրդական Լուսինէ Մարտիրոսեանը: Ան նշած է, որ Սէյրան Օհանեանին մեղադրանք առաջադրուած է:
Սէյրան Օհանեանը կը մեղադրուի այն բանով, որ oգտագործելով պաշտօնէական դիրքը` աջանձնապէս մեծ չափերով վատնում կատարած է (2 դրուագ), ինչպէս նաեւ անձնական այլ շահագրգռուածութենէ եւ խմբային շահերէ ելլելով` իր պաշտօնէական դիրքը ծառայութեան շահերուն հակառակ օգտագործած է, որ անզգուշութեամբ յառաջացուցած է ծանր հետեւանքներ (2 դրուագ):
Արմէն Չարչեանը կը մեղադրուի հանրութեան յայտնի «հաց բերողի»` Արթուր Սարգսեանի գործով կեղծ բժշկական եզրակացութիւն տալու մէջ: