Հայաստան կը փափաքի Հնդկաստանէն գնել MRSAM միջին հեռահարութեան զենիթահրթիռային համալիրներ (ԶՀՀ): Այս մասին յայտնած է Indian Defence Research Wing մասնագիտացուած կայքը:
Կը նշուի, որ Հայաստանը այդ կերպ կը փափաքի փոխարինել իր սպառազինութեան մէջ գտնուող խորհրդային արտադրութեան «Փեչորա» «Ս-125» զենիթահրթիռային համալիրները:
Ըստ աղբիւրին` Հնդկաստանը Հայաստանին առաջարկած է նաեւ «Akash» եւ «Akash-NG» համակարգեր, որոնք նոյնպէս սեփական արտադրութեան են: Թէեւ MRSAM զենիթահրթիռային համալիրները կ’արտադրուին Հնդկաստանի մէջ, որոշ արհեստագիտութիւններ փոխառնուած են Իսրայէլէն:
Միաժամանակ, IDRW-ն կը նշէ, որ Նիւ Տելհին սահմանափակումներ չունի MRSAM համակարգերու արտահանման առումով: Տուեալ գործարքը ուշագրաւ պիտի ըլլայ անով, որ Հայաստանի հիմնական հակառակորդը` Ատրպէյճանը, նոյնպէս մեծապէս կախուած է իսրայէլեան մատակարարումներէն, մասնաւորապէս, անոր սպառազինութեան մէջ են «Barak-8» ԶՀՀ-ները:
Indian Defence Research Wing-ի հաղորդմամբ` МRSAM համակարգերու գործողութեան շառաւիղը կը կազմէ 70 քիլոմեթր: