ՀՀ վարչապետ Նիկոլ Փաշինեան հեռախօսազրոյց ունեցած է Ռուսիոյ Դաշնութեան նախագահ Վլատիմիր Փութինի հետ:
Զրուցակիցները քննարկած են Լաչինի միջանցքին մէջ ստեղծուած իրավիճակի հանգուցալուծման վերաբերող հարցեր: Վարչապետ Փաշինեան կարեւորած է Հայաստանի եւ Լեռնային Ղարաբաղի միջեւ անխափան կապի ապահովումն ու այդ ուղղութեամբ ռուսական խաղաղապահ առաքելութեան կողմէ հետեւողական քայլերու իրականացումը:
Անդրադարձ կատարուած է տարածաշրջանային ենթակառուցուածքներու ապաշրջափակման գործընթացին, ինչպէս նաեւ 2020 թուականի Նոյեմբեր 9-ի, 2021 թուականի Յունուար 11-ի, Նոյեմբեր 26-ի, 2022 թուականի Հոկտեմբեր 31-ի եռակողմ յայտարարութիւններու կատարման վերաբերող հարցերուն:
