Հայաստանի մէջ 2022 թուականի արդիւնքներով պիւտճէի հարկային եկամուտները 662 միլիառ դրամով պիտի գերազանցեն 2018 թուականի ցուցանիշը, իսկ 2023-ի ծրագրաւորածը աւելի պիտի ըլլայ 946 միլիառ դրամով: Այս մասին ըսաւ ՀՀ վարչապետ Նիկոլ Փաշինեան Ազգային Ժողովի մշտական յանձնաժողովներու համատեղ նիստին 2023 թուականի պետական պիւտճէի նախագիծի քննարկման:
Վարչապետը յիշեցուց, որ իրենց քաղաքական ուժը քանի մը շատ կարեւոր, յիշուող եւ սկզբունքային նշանակութեան խոստումներ տուած է յեղափոխութեան ժամանակ, ինք անձամբ խոստացած էր, որ 1-2 տարուան ընթացքին պիւտճէի եկամուտները պիտի աւելցնեն 35-40 տոկոս: Փաշինեան ընդգծեց, որ այդ խոստումը լիարժէք կատարուած է: Ապա վարչապետը ներկայացուց, որ 2022 թուականին այս առումով ինչ տեղի կ’ունենայ պետական պիւտճէին հետ եւ 2023-ին ինչ կը ծրագրաւորեն:
«2022 թուականի արդիւնքներով մենք սպասում ենք, որ պիւտճէի հարկային եկամուտները 662 միլիառ դրամով կամ 1,6 միլիառ տոլարով կը գերազանցեն 2018 թուականի ցուցանիշը: Սա 52.6 տոկոսով կը գերազանցի 2018 թուականին նոյն ցուցանիշը: Այսինքն` մենք մեր գործունէութեան ընթացքում արդէն 2022 թուականին 52 տոկոս պիւտճէի եկամտային մասն աւելացրել ենք 2018-ի համեմատ: Իսկ 2023 թուականին հարկային եկամուտները ծրագրաւորուած են 2 թրիլիոն 203.7 միլիառ դրամ, որը 2018 թուականի պետական պիւտճէի հարկային եկամուտներից աւել է 946 միլիառ դրամով կամ 75.1 տոկոսով: Այսինքն` արձանագրենք, որ յեղափոխութիւնից 4 տարի յետոյ մենք պիւտճէի եկամուտներն աւելացնելու ենք 75 տոկոսով: Դա ծրագրաւորուածն է, որը մենք պէտք է իրականացնենք: Իսկ ընթացիկ տարուայ պիւտճէն մենք սպասում ենք, որ մօտ 80 միլիառ դրամով կը գերակատարուի», ըսաւ Փաշինեան:
